بۇگىندە الەۋمەتتىك جەلى الەم مويىنداعان اقپارات الماسۋدىڭ بىردەن-ءبىر قۇرالى بولىپ تابىلادى. دەسەك تە الەۋمەتتىك جەلى – اقپارات پەن نارىقتى دامىتۋمەن قاتار قازاق تەرميندەرىنىڭ قوعامداعى ورنىن ايقىنداۋشى, ۇلتتىق ء تىلدىڭ مادەنيەتىنە ىقپال ەتۋشى قۇرال. اتالعان شارا الەۋمەتتىك جەلىدە قولدانىلاتىن تەرميندەردىڭ تەرمينجاسامداعى ورنىن ايقىنداۋعا, ۇلتتىق ءتىل مادەنيەتىنە ىقپالىن انىقتاۋعا باعىتتالدى.
ونلاين-كونفەرەنتسيادا ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ عىلىمي قىزمەتكەرى نۇرلان شۇلەنباەۆ, Shonbay Online ۋنيۆەرسيتەتى PR & Media ءبولىمىنىڭ جەتەكشىسى, SMM-manager, كوپيرايتەر اقەركە كامال الەۋمەتتىك جەلى تەرميندەرىنىڭ قولدانىسى, ونىڭ ءتىل مادەنيەتىنە اسەرى جونىندە وي قوزعادى.
"ەل مەن ەلدىڭ اراسىنداعى ەجەلگى دوستىق قارىم-قاتىناستىڭ بولعاندىعى انا ءتىلىمىزدىڭ ءسوز بايلىعىنىڭ قۇرامىنان دا ايقىن بايقالادى. ءبىر حالىق پەن ەكىنشى حالىق ەرتەدە تەك مال-م ۇلىك پەن كيىم-كەشەك, ىدىس-اياق سياقتى زاتتاردى عانا الماستىرىپ قويماعان, سوعان قوسا رۋحاني بايلىق تا ءبىر-بىرىنە مولىنان اۋىسقان. سوعان بايلانىستى ءبىر تىلدەن ەكىنشى تىلگە كوپتەگەن سوزدەر كىرگەن. سول سەبەپتى تىلىمىزدەگى قىرۋار كىرمە سوزدەردى قوعام تاريحىمەن, قازاق حالقىنىڭ باسىنان كەشكەن دامۋ تاريحىمەن تىعىز بايلانىستىرىپ قاراعان ءجون", - دەدى اقەركە بەرىككەلدىقىزى.
